Sunday, December 16, 2007

بحب ماجده الرومى

بحب ماجده الرومى لانى بحس انها

انسانه راقيه جدا
محترمه بتحترم نفسها مدخلتش فى سوق النخاسه زى باقى المطربات
وكمان صوتها جميل اوى واحساسها عالى
وكمان لانى لاحظت ان مش اى حد يبقا جمهورها لانى فى ناس كتيره اوى مبتفهمش كلامها ومعانيه
او بتكون مصولتش لدرجه رقيها

من اجمل اغانيها اغنيه كلمات
شعر نزار قبانى

قصيده مع الجريده

قصيده كن صديقى


قصيده ست الدنيا

قصيده قانا

اغنيه حبيبى لاحمد زكى

اغنيه ادم وحنان

قصيده لن اعود

اغنيه عم بحلم

وغيرها من الاغانى والقصائد الجميله اللى بعشقهالها

انا بحبها جدا وبحترمها لانها بتحترم نفسها

وسط العرى والرخص والغرائر الحيوانيه بتفضل ورده بتنشر ضوئها

وبيفضل الفن

الفن اصله كلمه كبيره اوى الفن مهواش جنس ولا رغبه الفن الحقيقى هو اللى بيسموا بمشاعر الانسان مش اللى بيجيبه الارض


اجمل القضائد اللى بحبهالها ايضا قصيده الحب والوفاء

فى القصيده دى هى هربت من بيت مليان فلوس وجواهر لانها صديقها كان حيوان ومش بيخبها فسبته شوفتوا الفرق اعتقد ان البنات او معظمهم عاوز ه اللى يجبلها الجوهر والدهب بغض النظر عن كونه حيوان


انا فى راى ان الفن بيوضح شخصيه الانسان وطريقه حياته نفسيا حته
هل تعتقدوا ان وحد مطربه المفضل سعد الصغير هيبقا زى وحد مطربته المفضله ماحده الرومى ؟

مين اللى هيبقا ارقى ؟

مثلى قوى

2 comments:

Heart Beat said...

صديقي العزيز

كل سنة و انت طيب و عيد سعيد عليك يارب

ماجدة الرومي من افضل و اجمل الاصوات النسائية العربية

بتختار اعمالها بدقة و و بتأديها بإحساس عالي جدا و راقي بيوصل لينا كمستمعين فورا لانه بيكون من قبلها

كمان بالاضافة للاغاني اللي انت ذكرتها و اللي بحبها جدا

في اغنية حبيبي اللي جت على فيلم حليم و اغنية اعتزلت الغرام اللي انا بعشقها و كانت اغنيتي اليومية في حقبة من الزمن

AMRO .O. ABDELHALIM said...

تحياتى زيزو
كل سنه وانت طيب
وعيد سعيد عليك انشا الله
وعلى الاسرة
ومالو يعم سعد الصغير
على فكرة الفن الشعبى مهما بدا قبيحا لكنه بيعبر عن حالةثقافية تسكن الناس الحقيقيين ونعبر عنهم
الفن الشعبى يعبر عن وجدان الشعب
وبعدين اغنية العنب دى اغنية تراث مش اى كلام
صحيح التراث فيه العنب بس كمان فيه سيد درويش
انا كمان بحب ماجدة الرومى خصوصا وهى بتصرخ بهذا الصوت الملائكى الجميل
وانا مرة شفتها بتغنى دويتو مع والدها المرحوم اللى كان فنان عظيم
وليها تسجيلات قديمة فى برنامج للمواهب
وبعتقد ان كلمات هو افضل ماغنته حتى الان
وكمان ليها اغنية جميلة جدا فى فلم شاهين عودة الابن الضال
مش فاكر اسمها بس بتقول فيها (مع ان مش كل البشر فرحانييييين) طبعا كل اغنياتها جميلة
تحياتى