Wednesday, September 17, 2008

انا بحب


قابلت حبيبى كنت فرحان اوى انى شفته قلبى دق اول ما شفته سلم عليا قالى اتفضل اقعد قعدت معاه
حسيت انى طاير من الفرحه كانت كل الناس ملايكه والدنيا منوره وكلها ورد ورمنسيه مكنش فى سعتها صوت اى طفل بيبكى ولا حد زعلان من حد
لما قعدت معاه قلتله على كل اللى حسه سبت نفسى وقلبى هو اللى اتكلم

سلمت عليه وقولتله
وحشتنى اوى عامل ايه
اخبار شغلك ايه
انا كنت تعبان الفتره اللى فاتت دى عشان كده مشفتكش ومجتلكش بقالى فتره
كنت زعلان مش لانى تعبان لا لانى مشفتكش كل المده دى
قولتله
تعرف انك وحشتنى لدرجه انت مش ممكن تتخيلها
تعرف انى حلمت بيك حلمت انك كنت قاعد لوحدك فى مكان وحزين ووحيد وانا جيت وطبطبت عليك ومشينا سوا
وسالته عملت اللى قلتلك عليه ؟قالى ايه هو؟
قلتله اكلت كويس انهرضه فطرت كويس بتاكل كويس
قلى :اه
قلتله انت كنت قايلى انك بتشتغل من الساعه 10 صباحا الى 12 انت لازم تاكل كويس وتهتم بنفسك عشان متتعبش ومتدوخش وانت صايم
وكملت كلامى له
تعرف انك وحشتنى اوى تعرف ان انا مش دلوتى اللى بتكلم ده قلبى والقلوب عند بعضها زى ما بيقولوا
وقلتله تعرف انا بحب الرمنسيه بس للاسف معدتش موجوده دلوتى و قلت بحب اوى انى امشى على النيل
او انى ابص للقمر للحضرا والطبيعه
وبعدين صديقه اللى بالمحل نده له واستاذن ثم رجع تانى
وضع ايده على رجلى وهو بيكلمنى شويه صغيرين وهو بيكلمنى
وقلتله:انا مش عاوزك تحس انك اوحدك من دلوتى عاوزك تعرف ان فى حد بيهتم بيك
وانت بتهمه اوى لان انت فعلا بتهمنى جدا
وبعدها سلمت عليه ومشيت وبوسته وانا بسلم عليه
عبر ت له عن مشاعرى زى منا حسسها بالضبط بدون خجل زى ورده بتتفتح وبتشوف جمال الدنيا
زى قمر بيعبر عن حبه للناس بنوره

......................................................................................................................................................................
انا سعيد جدا لانى قابلتك ياحبيبى ولانى عبرت لك عن اللى فى قلبى والايام الجايه ان شاء الله هنعيش اجمل قصه حب
بحلم اعيش انا وحبيبى فى جزيره انا وهو لوحدنا بعيد عن كل الناس نصحى على ضوء الشمس وننام فى حضن القمر



رجعت البيت وقعدت افكر فى كل اللى حصل وشغلت اعانى وقعدت افكر فيه ومن كتر فرحتى
قعدت ارقص كانى راقص باليه او حد طاير مش على الارض

بتمنالكم السعاده
اه على فكره انا قاصد اكتب بالعاميه كتغيير
تحياتى

6 comments:

كريم زياد said...

زيزو عزيزي مرحبا

أنا سعيد لأجلك صديقي العزيز...الحب هو أحلى ما في الوجود كله...أن يخفق قلبك وتتسارع نبضاته فهذا أحلى ما في الوجود...أتمنى لك التوفيق صديقي العزيز وجعل الله كل أيامك فرح وسعادة وحب

تحياتي

Hassan Mostafa said...

عزيزي زيزو
اتمني لك السعادة في الحياةو انا تجد من يستحققك

و اختلاف الاراء لا يفسد للود قضية

تحياتي

Anonymous said...

كريم
اهلا بك
نورت مدونتى

شكرا على زيارتك

وفعلا الحب هو اجمل ما فى الوجود وبالحب يصبح الاانسان

انسانا

تحياتى

Anonymous said...

حسن
اهلا بك
شكرا على زيارتك

وعلى كلماتك الرقيقه

تقبل منى

تحياتى

أمير الـــوفــاء said...

je suis de retoure viens sur mon blog

Anonymous said...

امير

ازبك وحشتنى اوى
انت فين من مده كبيره

نورت مدونتى

شكرا على مرورك حبيبى وبالمناسبه اسم بلوجك الوفاء حلو اوى انا دخلت عليه وحاولت اعلق بس مش عارف فين مكان التعليق

هل انت لاغيت التعليق ام لا

تحياتى لك