Tuesday, July 29, 2008

العاطفه لا تموت قصه من تاليفى


ملحوظه هامه

لقد قمت وعن قصد بكتابه القصه بالعاميه لكى تصل الى المشاعر والانسان بطريقه اسرع
ا





قصه بالعاميه

الشخصيات

زيزو :مثلى مازال يؤمن بالحب
على :مثلى بلا ضمير يعشق نفسه فقط متمركز حول الذات

ايهاب :مثلى يعيش من اجل الجنس بلا مشاعر

حسن :مثلى كان رمنسيا ومصاب باكتاب فقدرغبته بالحياه


القصه احداثها بتدور بين الاربع انماط من المثليين اللى كانوا عايشين بمدينه القاهره وبيدرسوا بس كان كل وحد فيهم فى كليه وكانوا اصدقاء من مدينه الزقازيق وجاءت كليتهم فى القاهره فقرروا ياجروا شقه ويقعدوا مع بعض


مشهد لهم فى الصباح

زيزو:صباح الخير ياولاد

على وايهاب وحسن:صباح الخير يازيزو

زيزو :ها ياعلى فطرت ولا لسه يعنى زى كل يوم كلت كومنا ولا استنيت لما نصحى كلنا وناكل مع بعض

على:لا طبعا فطرت انت عاوزنى اجوع نفسى عشانكم انتم

ايهاب:ده طول عمره طفس ياواد يازيزو سيبك منه اما انا انهرضه شفت حته واد عسل هموت وانام معاه وشكلى كده هجيب رجله وهخليه ينام معايه

زيزو:انا مش قادر افهم انت ازاى بتقدر تنام مع وحد مبتحبوش دى حجه حيوانيه جدا ومقرفه

ايهاب:حب ايه ياعم صلى على النبى معتش فى حب دلوتى

زيزو:لا بالعكس الحب موجود وهيفضل موجود بوجود الانسان العاطفه والحب شىء اساسى فى حياه اى انسان ومن غيرهم تبقا الحياه ملهاش اى طعم

ايهاب :اه انت هتتفتح لى يبقا مش هخلص معاك

حسن :انا راى زى راى ايهاب منا حبيت وفى الاخر خدت على دماغى واتصدمت من بعد الحب ويقول فى حزن واكتئاب معتش فى حب الناس قلوبها ماتت خلاص وعشان كده انا اعتزلت كل ده وقفلت قلبى ونفسى

زيزو :بالعكس ياحسن الحب موجود ومش معنى انك اتصدمت انك تتحو ل من النقيض للنقيض او انك تلغى مشاعرك او انك تعيش حاله الياس دى وتحبها


ويكمل زيزو

ياعم لو اتصدمت فى وحد فى مليون وحد المهم انك تلاقى الحب ومتبطلش تدور لكن كون انك تتغير بسبب تجارب فاشله ده معناه انك مش قوى لان انا فى راى ان الانسان القوى هو اللى بيغير اللى قدامه مش اللى قدامه هو اللى بيغيره


على :انا مقتنع بكلامك ده يازيزو بس الحقيقه انا فعلا بحب بس بحب نفسى بس


زيزو :لا برضه ياعلى الانسان اللى مبيقدرش يحب الا نفسه يبقا فقير

بس الفقر ده اللى بيكون عنده بيبقا فقر فى الروح وده بيبقا انسان مش سوى محتاج علاج


على :علاج ايه ياعم انت مش عاجبك حد خالص

زيزو :لا طبعا عاجبنى بس انا بجد حاسس ان الجاى عندنا فى بلادنا العربيه مش قادرين يفهموا نفسهم صح ولا يحبوها وحتى جياتهم مش قادرين يعيشوها صح ولا بسعاده لان السعاده مش بالجنس لانه ببساطه متعه دقيقه وبتنتهى ولا بالانانيه لان فى درسات علميه فى علم النفس انا قرات عنها بتقول ان الانسان اللى عنده صحه نفسيه والاكتر سعاده هو اللى بيقدر يحب ويعطى

لان الانسان ده كائن غريب جدا مليان مشاعر بطبيعته فاذا مشاعره دى مطلعتش بره على هيئه حب فهى بتشتغل عليه هو بالسلب وده سبب اكتئاب واحباط كثير من الجاى لذلك بيحاولو يلجاءوا للجنس بدون حب وده برضه مش بيسعدهم بل بالعكس بيقلل حجه عندهم فى علم النفس اسمها مفهوم الذات لان هو بقا فى نظر نفسه مجرد جسم للمتعه مش انسان


يرد على ايهاب وحسن فى صوت واحد:خلاص ياعم خلاص بطل كلام شويه


زيزو :انا مش قصدى اضايقكم ولا اعمل واصى انتم احرارا فى تصرفاتكم بس انتم اخواتى وتهمونى


يرد على ايهاب وحسن :بصوت وحد عارفين


وتمر الايام والشهور بعد مرور سنتين


المشهد الثانى


على وحسن وايهاب يجلسون فى حجره نومهم وعلى وجههم كابه وحزن عميق وزيزو كان بكليته ووصل الى المنزل حيث كان اول يوم له فى الكليه بعد الاجازه وكان اول يوم لهم ايضا


زيزو يتساءل :مالكم ياولاد فى ايه

مالك ياعلى

على يرد فى حزن :انا بكره نفسى

زيزو :ليه بس ياعلى

على:لانى انانى وكنت دايما انانى ونا صغير متعلمتش يعنى ايه احب حد اتربيت على ان كل حجه انا وبس كل حجه نفسى وبس وده هو اللى ضيع منى حب عمرى انسان كنت بعرفه كان بيدنى الحنان والحب من قلبه ونا كنت بحبه لانى بحب نفسى مش لانى بخبه


زيزو باستغراب :يعنى ايه مش فاهم


على :يعنى انا حبيته عشان هو كان بيحبنى مش لانى بحبه فعلا انا انسان سىء متعلمتش فى الدنيا اى شىء ابعد من حبى لذاتى ونفسى وبس

هو خلاص ضاع منى بسبب انانيتى ضاع منى لانى مقدرتش اكون جدير بيه ولا بقلبه انا ندمان وهفضل ندمان عليه بس مش هبين ولا هقوله عارف ليه


زيزو يتساءل :ليه


على :لانى لسه بحب نفسى ولو قلتله هبان انى صغير خلينى ابعد انت كان عندك حق يازيزو وانا غلط دى لحظه صدق بواجه فيها نفسى انا مش هقدر اعوضه تانى خلااص هو اكيد عاش وهيلاقى اللى يستحقه بجد


زيزو :ياما حذرتك بس خلاص مش مهم فكر فى الى جاى وحاول تبقا انسان مختلف انسان بجدويكمل زيزو ونت بقا مالك ياسى ايهاب


ايهاب :بس يا زيزو انا بجد زعلان وخلاص معتش عاوز حجه من الدنيا

زيزو فى لهفه :مالك بس ياعلى فى ايه

ايهاب:الجنس هو السبب نزواتى وحبى للجنس هو كان مقتلى ونهايتى انت عارف طبعا يازيزو انى كنت كل ما اشوف وحد ويعجبنى انام معاه وكنت بعمل علاقات كتيره اوى بدون حب ولا مشاعر ولا ديوله


الجنس هونهياتى ولانى كنت بحب استمتع بالجنس بكل كيانى مكنتش بطلب من شريكى انه يجيب توبس او واقى ولا نتبع اى اجراءت صحيه ذائد انى نمت مع كتير اوى من فتره قريبه تعبت ورحت للدكتور كشفت قالى انه عندى المرض الصعب ده الى بيجى من الجنس الايدز


زيزو وعنيه امتلت بالدموع؛يا خبر ليه بس كده ليه

انا ياما قلتلك

وتنزل دمعتين من عيون زيزو ويذهب ليحضن ايهاب


وبعد مده ينتهى زيزو وينظر الى حسن ويقول


زيزو يقول؛مالك ياحسن ايه اللى مضايقك


حسن :منت عارف يازيزو وهضحك ليه يعنى منت شايف الدنيا معتش فيها حب ولما تحب بتتصدم وتتجرح وانا حبيت بجد من قلبى وفى النهايه اتجرحت لما اتجرحت يازيزو كرهت نفسى

وكرهت الناس واكتئابت الدنيا دى متستهلش ان الوحد يعيشها يارب اموت وارتاح

عمرى يازيزو ما شفت يوم حلو حتى الانسان الوحيد اللى حبيته غدر بيا ونسانى الدنيا دى مليانه قسوه

وانا خلاص معتش عاوزها ولا عاوز كدبها وزيفها


زيزو :اللى انت بتقوله ده اسمه ياس وانت المفروض متياسش مهما حصل فى جحه اسمها

امل فى حجه اسمها تفاءل وبعدين ايه يعنى لما تحب وتتصدم هى الدنيا اتخربت ولا الولد اللى انت حبيته ده اخرواحد فى العالم و كوكب الارض عليه كتير وبعدين مينفعش تعمم صوابعك مش زى بعضها وعلى فكره استسلامك هو هيكون مقتلك انت بالضبط عملت زى القطه المجروحه اللى بدل ما تدواى جرحها بتلحسه بلسانها عشان يكبرانت لازم تتعلم يعنى ايه مبدا انك يكون عندك مبدا انك تحب حتى لو اللى انت حبيته ده طلع وحش وميستحفش او مش كويس هل بقا تتتعقد وتشوف كل الناس كده انت لازم تطلع من ياسك ده وتفتح قلبك للحياه وللحب لازم تلغى كلمه ياس وتحطها بكلمه امل

وكلمه كراهيه للحياه لى حب للحياه

انت لازم تعيش


يبكى حسن عند سماع كلام زيزو ويتضامن مع حزنه على وايهاب ايضا وتنزل دموعهم ويحضنوا بعض جميعا ويحضنهم زيز و


ويقول العاطفه والحب هما اساس الحياه

الامل هو الحياه

الحب اقوى من الجنس

تعلم ان تحب الاخرين ولا تقف عند ذاتك فقط

الصدمات العاطفيه ليس معناها الاكتئاب والاستسلام والتحول للنقيض


وينتهى المشهد وهم يحضنون بعضهم هم الاربعه



22 comments:

Anonymous said...

قصه جميله مش نمطيع واستخدمت فيها اسلوب جديد

mthlykaweyy said...

مجهول

شكرا لك انا حبيت اعبر عن مشاعر المثليين او الجاى ببساطه وبدون كلاكيع
عشان يوصل الاحساس للقلب

شكرا لك

Unknown said...

مرحبا صديقي

قصة جميلة ومؤثرة...أرجو لك التوفيق

عاشق ياسمين الشام said...

صقصة مؤثرة فعلا ، و كأنه قدرنا كمثلبيين أن نحيا حياة تعيسة.

Samir Saad said...

مشكلة المثليين عندنا ان كل حاجة بتخاطبهم خطاب سلبي هدفه انهم يرفضوا ذواتهم ويقتنعوا بضرورة التغيير. ودا مش هيحصل، اعتقد انه من الصعب ات يتحول المثلي الي غيري.
انا كل اللي عايز اقوله، حبوا نفسكم، اقبلوها وارضوا عنها، لو دورتوا جواكم هتلاقوا عندكم حاجات مش موجودة عند الغيرين، ابسطها الحس المرهف.

تحياتي

عصفور said...

ياعيني عليك يا زيزو
:)
يعني بصراحة ياهيك القصص يا اما بلا
قصة هادفة
هدفها توعية بعض المثليين الغافلين والغارقين في اوحال المتعة لامر مهم وهو الحب
كلام القصة جاء بسيطا جدا يفهمه كل من يقرأه
شكرا لك على هذه القصة اللطيفة


تحياتي لك

human said...

اعجبتنى جدا الخلفية الفلسفية للقصة
وقدرة زيزو على امتصاص الاحزان وتغذية من حولة دائما بالطاقة على الحياة والروح المعنوية
تحياتى عزيزى

Shams Al-Ma7aba said...

مثلي قوي أنت فعلا قوي وتمدنا بالقوة والطاقه ..

الامثله الي انته جبتهم امثله حقيقيه وموجودة وكتييرة اوي بالذات المكتأبين او الي بيحبوا الجنس نادرا ماتحصل حد فعلا متفائل وواعي للي بيعمله .. انا حبيت القصه اوي وحاسس بيها أوي واشكرك على الاسلوب الجميل بالكتابه وفعلا اللهجة المصرية بالقصه بتحسسني بان القصه طبيعيه وبسيطة خاالص


"أ"

Gay by Nature said...

مفيش حد فاهم الدنيا زي زيزو فيها ايه لو الواحد بيعش للجنس بس في نفس الوقت بيعرف ازاي يحافظ على نفسه

علي ده حالة مستعصية جدا

انتظر المزيد

تحياتي

مثلي بالفطرة

السندباد said...

اهلين مثلي قوي
اول مرة اعلق عندك صديقي بجد تحفة..استفزيتني لانك احسست انك تكتب عني ..يعني تلخيص للصراع الذي اعيشه مع ذاتي: معركة بين الحب والجنس و الانانية و الضعف..من الرابح ياترى؟
اجمل بوست قراته لمثلي مدون حاول ان يحدد اصل الصراع اعتبارا لاسس نفسية و علمية..
خلينا بجد نلقى في مدونتك ما يتقصنا من الناحية النفسية..اجعلها منارة لكل مثلي تائه باحث على الطمانينة والخلد الى الراحة..شعور كثير منا توحشناه..نعمل كثيرا..نحلم اكثر من اجل لحظة وفاق مع ذاتنا..انشاء الله نوفق فيها..من اجل ذاتنا المعذبة..سلام زيزو..

Anonymous said...

كريم

اهلا بك نورت المدونه

وشكرا على كلاماتك الرقيقه

ومبروك على مدونتك الجديده

Anonymous said...

عاشق ياسمين الشام

اهلا بك نورت المدونه

وشكرا لك واتمنى ان نكون اصدقاء دائما

وان نتبادل الزيارات

وشكرا لك

Anonymous said...

the innocent

اهلا بك فى مدونتى
وشكرا لك على كلاماتك الجميله عن المثليين واتمنى لك المزيد من الخير والتوفيق فى حياتك العامه والشخصيه
وشكرا لك

Anonymous said...

عصفور

شكرا لك واتمنى لك السعاده فى حياتك والتوفيق شكرا على مساندتك ورياك فى القصه

اخوك مثلى قوى

Anonymous said...

هيومان

شكرا لك وعلى كلماتك الرقيقه واتمنى لكل كل الخير والاستمرار فى كتاباتك وبوستاتك

تحياتى لك

Anonymous said...

for love

اهلا بيك فى مدونتى نورت المدونه
وشكرا على كلامك وفعلا الانماط دى موجوده واتمنى ان يصلوا الى السعاده والخير لكل المثليين

تحياتى لك وشكرا

Anonymous said...

gay by nature

اهلا بيك نورت مدونتى
وشكرا على مدونتك الجميله وبوستاتك الرائعه

اما عن القصه فهو فعلا ممكن اى حد يمارس الجنس ويعمل وقايه بس معتقدش ان ده بيخلى المثيلى سعيد لان هو فى النهايه انسان زى اى انسان يحب انه يحب ويتحب وحد يكون حنون معاه وعطوف
وانه يحس بوجوده حد يشاركه احلامه


شكرا على زيارتك
تحياتى لك
واتمنى

Anonymous said...

السندباد

اهلا بيك نورت المدونه كلها
صديقى القصه لم اقصد بها شخص محدد بل انا كتبتها تعبيرا عن ما اشعره انا بداخلى وعن حياه المثليين واتمنى لك السعاده والخير والتوفيق فى حياتك العامه والشخصيه وان نكون اصدقاء للابد

تحياتى لك

Anonymous said...

ههههههههههه اي ده
ركاكة في التعبير ومش عارف ايه
انت بتسمي دي قصة؟؟
هههههههههههههههه
والله انت اكبر اهبل
هي القصة بتتكتب كدة؟؟
قصتك مافيها حبكة ولاحوار زي الخلق
كان فيك تكتب بالعنوان
أفشل قصة
هاهاهاها
ربنا يعينك على دماغك
الظاهر انت جني راكبك ولا مش عارف ايه
بعدين انتا جايي بتنقل من مواقع وكتب وتلصق بمدونتك وتقول انك انت كاتب وانت محلل ومش عارف ايه
ان ما بتعرفش تكتب كلمتين على بعضهم
قال ملحد قال
شكلك واحد عبيط
ربنا يعينك على عقلك يبني

Anonymous said...

مجهول

انا لا ارد

مثلى قوى

Ali said...

اهلا زيزو

قصه معبره وتحكي عن حال المثليين
وكوني انا علي فلازم علي ان ادافع عن علي الاناني
في المثل بقول خذ اللي بحبك مش اللي بتحبوا
صح؟!...ههههههههه

Maha Shahen said...

هقول بسم الله واكيد ليك عقل وفكر و رد
مش هعلق على انك مثلى او انك بتتعدى على الاسلام
لانه في كلام كتير قوى يتقال فى مقالات عن كدا ومحتاج ناس دارسين دين علشان تحاول تتكلم ويردوا عليك
ومتبقاش ناقل الكلام من مكان لمكان وتدعى انه ليك
ووقتها نعرف ايه جوه عقلك وتعرف انت قيمة الشيء اللي بتفرط فيه
انا شايفه فى ردودك لفظ الجلاله الله
وشايفه في ردود اصدقائك المثيليين كلمة وفقك الله
وقريت في قصتك كلمة صلى على النبى
وكمان قريت كلمة السلام عليكم والحمدلله
لو انت ملحد جبت الكلام دا منين ولا اسمحلى استعير منك انك بتردد زي البغبغان
طيب لو حضرتك مسلم افهم ازاي انك بتهاجم الاسلام
ولو مش عاجبك انك مسلم بتردد اسم الله ليه وبتدعيله ليه انت واصدقائك
بتطلب من مين التوفيق يا هذا
بتمنى من الله انك تشوف بعينك قدرة الله قبل ان يأتى وقت لا ينفع الرجوع
تأمل فى الكون يا هذا لتعرف قدرة من تتجرأ عليه
فكر دون تحيز او مغالطه في لحظة صفاء مع نفسك
تذكر من أنت وكيف أتيت وأين ستذهب
أظن ردى محترم وكفيل بأنه يبقى ولا يحذف
اتمنى ترد عليه مش ليا ولكن رد عليه جوه نفسك
متكونش متحير بين طرق كتيره , اختار طريقك ولو عايز طريق غير رحمة ربنا يبقى متطلبش منه الرعايه ولا الأمان
ومنغير ما تشوه بكلمات كبيره في الاسلام
ولا تستهزأ من شيء متعرفش كتير عنه او تعرف وبتنكره
فكر .. واتمنى عقلك او قلبك يدلك
يصعب عليا اشوف انسان هيقع في حفره ومنبهوش ليها